Kaarte jubileum KistKappe 2020 Ni-jwieërt OETVERKOCHTJ

Umdet ut KistKappe veurig jaor zoë druk woord bezochtj, heet blaoskapel Klein Mer Neugter al in november 2019 völ ruchtbaarheid gegaeve aan de vernowdje opzet vör de “gratis towgangskaarte”. Door te werke met towgangskaarte is de towloup te controlere en hebbe alle bezeukers genog ruumdje.

Verkoup

Op zondig 5 januari 2020 waas ut zoewieët en startdje de veurverkoup vör de “gratis”
towgangskaarte. Binne ein mum van tieëd waas mieër dan twieë derdje van de beschikbare towgangskaarte verkochtj.
In de aafgeloupe waeke zeen de letste towgangskaarte over de toëenbank gegange en is utkistkappe 2020 OETVERKOCHTJ !!.
Bi-j de entree zeen dus GEIN kaarte mïeer verkrieëgbaar.

Gratis

Umdat de organisatie ein gratis Kistkappe wiltj, ontvangtj edere bezeuker bi-j inlevering van de towgangskaart 2 consumptiebonne en eine jubileum button. Feitelijk is ut dus nog steeds gratis!

Programma

Ouch de KistKappe 2020 jubileumeditie op vastelaovundj vri-jdig 21 februari, biedtj weer un geweldjige band De Badmötse, Moerepetazie, Ed en Frans en lokale (groëet-Ni-jwieërter) artieste, welke vör non-stop ‘reuring’ zulle zörge en di-j allemaol via de kistjes ongersteundj kunne waere.

Kistjes

Mochtdjae gein kistje mïeer hebbe, gein probleem want dees zeen ouch vör ein kleine vergoeding te koup bi-j de Pinnenhof.